Kynleg gifting (Klassísk rómantík #9) lydbog

Rosamond Lovell er ung og fögur stúlka, aðeins átján ára þegar hún giftist hinum auðuga Gordon Caryll. Í ljós kemur að Rosamond er ekki af eins göfugum ættum og eiginmaður hennar taldi, heldur er hún komin af lágstéttafólki og hefur unnið fyrir sér sem söngkona. Gordon verður ævareiður og sækir um skilnað. Nú þarf Rosamond að finna nýtt heimili fyrir sig og nýfætt barn sitt og upp hefst örlagarík atburðarás.
Bókin naut mikilla vinsælda á Íslandi áður fyrr sem hluti af Sögusafni heimilanna.

Persónurnar og notkun á tungumáli í verkinu endurspegla ekki skoðanir útgefandans. Verkið er gefið út sem sögulegt skjal sem inniheldur lýsingar á tíðaranda og skynjun manna sem tíðkaðist á tímum skrifanna. Serían samanstendur af eldri sögum sem eiga það sameiginlegt að hafa verið eftirsóttar til lengri tíma í flokki rómantískra bókmennta. Bækurnar henta einstaklega vel þegar þú vilt gleyma þér í rómantík og ævintýrum gamla tímans. May Agnes Fleming fæddist árið 1840 í Nýju Brúnsvík í Kanada. Hún fluttist til New York eftir að fyrsta skáldsaga hennar kom út og ritaði þar bæði skáldsögur og framhaldssögur fyrir tímarit. Hún var ein af fyrstu frægu kanadísku rithöfundunum og var frægasti höfundur síns tíma í Norður-Ameríku. Hún skrifaði 47 skáldsögur og fjöldann allan af smásögum. Agnes M. Fleming lést í Brooklyn í New York árið 1880, aðeins 39 ára gömul.